هل أنا مفترية؟ ولا أنا صح؟
جوزي كان في الحمام والموبايل رن برقم مش متسجل أول ما شوفت الرقم حسيت إني أعرفه وطلع فعلاً رقم صاحبتي اللي ساكنة جنبنا ...
جوزي خرج على الشغل وأنا الظهر روحت عندها عادي علشان نشرب حاجة سوا ...
دخلت المطبخ وقالت لي هظبط حاجه حلوة وسابت موبايلها في الشاحن جنبي وأنا عارفة إن الباسورد تاريخ ميلادها فتحته دخلت على الواتساب لقيت ان جوزي بيكلمها ومتفق معاها على الجواز ..
بيقول لها عليه: ان لما أنا أولد وأروح أقعد عند أمي شوية يرجع هو يكتب عليها ويحطني قدام الأمر الواقع ... وأنا أصلاً عندي ٣ بنات وحامل في بنت وجوزي من زمان نفسه في ولد.
المهم دخلت من تليفونها وبعتله يا حبيبي أنا أقنعت أمي وقالت لو هو جاد يبعّت الفلوس بتاعة الشبكة النهارده ولو مبعتش يبقى ما نضيىعش وقت وبعتله رقم حساب واحدة صاحبتي تانية غير اللي أنا قاعدة معها وهو رد قال: اطمني أنا جاد وبحبك.وهبعت الفلوس دلوقتي... وفعلاً بعت من تلت ارقام كل رقم 25 ألف جنيه أول ما تأكدت من صاحبتي إن الفلوس وصلت لها مسحت كل الرسايل وقفلت الموبايل صاحبتي جاءت وشربنا القهوة واتكلمنا كأن مفيش حاجة رجعت البيت وكلمت صاحبتي اللي وصل لها التحويل وقولت لها : إنها تبعت لي الفلوس على حسابي وتخلي الكلام في سرها ولا تعرف اي أحد..جوزي كريم على الناس وبخيل علي.. رجع من الشغل لقيته بيقلب في تليفونه قلت له عاوزة الموبايل أدخل أبحث في حاجة على جوجل عشان تليفوني فاصل قال لي دقيقة(أكيد كان بيمىسح الرسايل) فعلاً دخلت على الواتس وجدته مسح كل حاجة... لكن بالليل وهو نايم وأنا عاملة نفسي نايمة..ظ فتح تليفونه وقدرت أعرف الرمز.. تاني يوم راح الشغل ورجع بدري عن العادة وشكله متضايق دخل الحمام روحت فتحت الواتس آب لقيتهم بيتخانقوا والمناقشة كبيرة قوي.. هو بيقول لها على الواتس : جبتي الشبكة.. قالت له أسرقها يعني ولا ايه...
قال لها : الفلوس مكفتكيش؟
قالت له: فلوس ايه يا أبو فلوس؟
قال لها: أنت مجنونة... أنا بعت لك 75 ألف جنيه امبارح؟
قالت له: أنت اللي مجنون ... 75 ألف جنيه ايه ؟
قال لها: مش إنت اللي بعتي وقلت إن أمك قالت: لو أنا جاد أبعّت الفلوس عشان الشبكة..؟ وبعتي لي رقم فلانة(صاحبتك)؟
قالت له أنا؟ أنا ما قلتش حاجة.. انت لتسهيل... ولا باعرف البنت دي أصلاً... أنت كده بتخلع يا حلو...
المهم انتهت أنه عملها بلوك وشتمها .. وقال لها حقي مش هسيبه وكدا كدا أنت متلزمنيش تاني.. يا بنت .... وشتمها شتيمة وحشة جدا
دلوقتي بقا أعمل ايه...؟ أعرفه وأرجع له فلوسه؟ ولا أعمل نفسى ما اعرفشي حاجة عن الموضوع زي ما أنا ؟
ايه رأيكم يا جماعة ؟
ليست هناك تعليقات:
إرسال تعليق